![]() |
Brijesh Upreti |
यति कुरा जाने हुन्थ्यो
भड्खालोमा देश पर्यो, सबै मिलि ताने हुन्थ्यो
देश बाँचे म बाच्ने हो यति कुरो जाने हुन्थ्यो ।।
राम्रो देश बनाउन, नेता उनै स्वार्थी परे
नराम्रा को भिड बाट, राम्रो लाई छाने हुन्थ्यो
देश बाँचे म बाच्ने हो यति कुरो जाने हुन्थ्यो ।।
नुहाउँदै गधा लाई, जुनिबित्ने हो कि साथी
गाई बन्ने कहाँ हो र, यति सत्य माने हुन्थ्यो
देश बाँचे म बाच्ने हो यति कुरो जाने हुन्थ्यो ।।
देश बेची आफ्नो महल,सजाउन खोज्ने लाई
जनताले देश द्रोही राष्ट्रघाती ठाने हुन्थ्यो
देश बाँचे म बाच्ने हो यति कुरो जाने हुन्थ्यो ।।
हामी फुट्दा रमाउने, पाखण्डीको कमि छैन
सबै मिलि एकताको झटारोले हाने हुन्थ्यो
देश बाँचे म बाच्ने हो यति कुरो जाने हुन्थ्यो ।।
पसिनाको थोपा बिच, नयाँ देश कोर्न सके
जेल भित्र फजुलमा हाम्रो श्रम खाने हुन्थ्यो
देश बाँचे म बाच्ने हो यति कुरो जाने हुन्थ्यो ।।
भड्खालोमा देश पर्यो, सबै मिलि ताने हुन्थ्यो
देश बाँचे म बाच्ने हो यति कुरो जाने हुन्थ्यो
देश बाँचे म बाच्ने हो यति कुरो जाने हुन्थ्यो ।।
April 24, 2020
0 Comments