आशा लघुवित्त वित्तीय संस्था (ALBSL) ले तीन करोड रुपैयाँ बराबरको तीन लाख कित्ता आईपीओ जारी गर्ने प्रक्रिया अगाडि बढााएको छ । जसका लागि संस्थाले सेयर निष्कासन तथा बिक्री प्रवन्धकमा प्रभु क्यापिटल लिमिटेडलाई नियुक्त गरेको छ ।
सो सम्बन्धी सम्झौतामा आशा लघुवित्त वित्तीय संस्थाको तर्फबाट प्रमुख कार्यकारी अधिकृत बद्रीप्रसाद दुलाल तथा शेयर निष्काशन तथा बिक्री प्रबन्धक प्रभु क्यापिटलका तर्फबाट महा(प्रबन्धक सुजिन शाक्यले हस्ताक्षर गरेका छन् ।
नुवाकोटको मदनपुरमा केन्द्रिय कार्यालय रहेको कम्पनीले कुल जारी पुँजीको ३० प्रतिशत अर्थात ३ करोड रुपैयाँ बराबरको ३ लाख कित्ता आईपीओ निष्कासन गर्ने भएको हो ।
आइपीओ निष्कासन पश्चात कम्पनीको चुक्ता पूँजी १० करोड रुपैयाँ पुग्ने छ ।
संस्थाको गत मंसिर २३ गते सम्पन्न पहिलो साधारणसभाले शेयर निष्काशनको निर्णय गरेको थियो।
राष्ट्रिय स्तरको यो लघुवित्त संस्थाको जारी पुँजी १० करोड रुपैयाँ रहेको छ । संस्थापक ७० प्रतिशत स्वामित्व हुने गरी लगानी संरचना तयार पारिएको छ ।
संस्थाले न्यून आय भएका तथा बिपन्न वर्गका महिलाहरुलाई विभिन्न आयआर्जनको व्यवसाय सञ्चालन गर्न उनीहरुको घरदैलोमा लघुवित्त सेवा पुयाउँदैआएको छ ।
-1.png)
0 Comments